1. Jánov kapitola 3

Bible Version
Kniha
Kapitola
1videte qualem caritatem dedit nobis Pater ut filii Dei nominemur et sumus propter hoc mundus non novit nos quia non novit eum[ref]
2carissimi nunc filii Dei sumus et nondum apparuit quid erimus scimus quoniam cum apparuerit similes ei erimus quoniam videbimus eum sicuti est[ref]
3et omnis qui habet spem hanc in eo sanctificat se sicut et ille sanctus est[ref]
4omnis qui facit peccatum et iniquitatem facit et peccatum est iniquitas[ref]
5et scitis quoniam ille apparuit ut peccata tolleret et peccatum in eo non est[ref]
6omnis qui in eo manet non peccat omnis qui peccat non vidit eum nec cognovit eum[ref]
7filioli nemo vos seducat qui facit iustitiam iustus est sicut et ille iustus est[ref]
8qui facit peccatum ex diabolo est quoniam ab initio diabolus peccat in hoc apparuit Filius Dei ut dissolvat opera diaboli[ref]
9omnis qui natus est ex Deo peccatum non facit quoniam semen ipsius in eo manet et non potest peccare quoniam ex Deo natus est[ref]
10in hoc manifesti sunt filii Dei et filii diaboli omnis qui non est iustus non est de Deo et qui non diligit fratrem suum[ref]
11quoniam haec est adnuntiatio quam audistis ab initio ut diligamus alterutrum[ref]
12non sicut Cain ex maligno erat et occidit fratrem suum et propter quid occidit eum quoniam opera eius maligna erant fratris autem eius iusta[ref]
13nolite mirari fratres si odit vos mundus[ref]
14nos scimus quoniam translati sumus de morte in vitam quoniam diligimus fratres qui non diligit manet in morte[ref]
15omnis qui odit fratrem suum homicida est et scitis quoniam omnis homicida non habet vitam aeternam in se manentem[ref]
16in hoc cognovimus caritatem quoniam ille pro nobis animam suam posuit et nos debemus pro fratribus animas ponere[ref]
17qui habuerit substantiam mundi et viderit fratrem suum necesse habere et clauserit viscera sua ab eo quomodo caritas Dei manet in eo[ref]
18filioli non diligamus verbo nec lingua sed opere et veritate[ref]
19in hoc cognoscimus quoniam ex veritate sumus et in conspectu eius suadeamus corda nostra[ref]
20quoniam si reprehenderit nos cor maior est Deus corde nostro et novit omnia[ref]
21carissimi si cor non reprehenderit nos fiduciam habemus ad Deum[ref]
22et quodcumque petierimus accipiemus ab eo quoniam mandata eius custodimus et ea quae sunt placita coram eo facimus[ref]
23et hoc est mandatum eius ut credamus in nomine Filii eius Iesu Christi et diligamus alterutrum sicut dedit mandatum nobis[ref]
24et qui servat mandata eius in illo manet et ipse in eo et in hoc scimus quoniam manet in nobis de Spiritu quem nobis dedit[ref]